Pusong Pinoy sa Panahon ng mga Puso

Panahon na naman ng pagibig, sabi nga nila "love is in the air" ang sarap magmahal, kitang-kita mo ito sa mga magsing-irog,  sa bawat kislap ng kanilang mga mata, ngiti sa kanilang  mga labi na nagsasabi ng pagmamahal  at kagalakan na nagmumula sa kanilang mga puso! Hay... "Ang pagibig nga naman pag pumasok sa puso ninoman, hahamakin lahat masunod ka lamang" isa sa sikat  at palasak na pangungusap sa mga pinoy na nagpapakita ng wagas na pagibig na hango sa aklat ng Florante at Laura. Sa kasaysayan ng libro na ito, makikita natin kung gaano kasarap magmahal at harapin ang mga balakit sa buhay na katuwang mo ang iyong mahal sa buhay. Kahit dumating man ang matinding pasubok at kahirapan ay ayos lang, basta sa bandang huli magkasama kayo sa habang-buhay.

Ngayong panahon ng mga puso. Lalong namumutawi sa ating mga labi, ang pag-ibig sa iniirog. Ang mga pilipino, Sadyang di kinakalimutan, pagbibigay ng rosas at tsokolate. Sasabayan pa ng date. Magins sa Luneta man mapasyal ay OK lang. Kung minsan naman ay sa Mall of Asia o sa SM Malls na sadyang parte na ng medernong kultura nating mga Pilipino.

Sa piling ng ating mga minamahal tayo ay sadyang nakukumpleto lalo pa at alam nating ang pag-ibig ay wagas at totoo. Kumpleto na ang buhay.

Bagong Taon... Bagong Konsensya

Hay... Salamat sa Diyos ay nalagpasan na naman natin ang isang taon na lumipas na punong-puno ng kulay sa mga pagsubok ng kalungkutan, kahirapan, pagdarahop at kasiyahan sa bawat hakbang na ating ginagalawan. Buti na lang tayong mga pinoy kahit anong bagyo ang dumating parati pa rin tayo may ngiti sa mga labi.

Ilang araw pa lang ang lumilipas ng bagong taon, pero heto na naman tayo at bibigyan na naman nating ng isang maganda at masalimuot na kasaysayan ng ating bayan. Simula pa lang ng unang araw ng taon hinding-hindi na nalilimutan sa listahan ng balita sa mga radyo, tv at pahayagan ang mga TINAMAAN NG PUTOK! Ayon sa sangay ng kalusugan at ng pambansang pulisya, mas bumaba pa rin daw ang bilang ng mga na aksidente sa paputok. Tsk. tsk... pero ang mas nakaka-gulat dito ay nandyan pa rin ang pagpapaputok ng baril.Kasama ba sa kasiyahan ang baril. Kung mamalasin ka, habang ikaw ay nagsasaya, kumakain, umiinom at maaring natutulog sayo pa tatama ang ligaw na bala na maari rin naman tumama sa tao mismong nagpaputok nito.  

Iyan ba ang magiging regalo natin sa ating sarili sa bagong taon? Paano mo haharapin ang bukas kung kaw mismo ang naging biktima na pagpapaputok ng baril. At paano naman kaya haharapin ng nagpaputok nito ang kanyang bukas kung alam nyan may tinamaan ng kanayang baril? Sana makonsensya ka naman!